The Kathmandu Post басылымының хабарлауынша, наразылар Непал парламентінің ғимаратын қоршауға алған. Полиция оларды тарату үшін су атқыш пен көзден жас ағызатын газ қолданды. Бірақ жастар шегінбеген соң, тәртіп сақшылары оқ жаудырған.
Оқ-дәріні қолдану салдарынан 14 адам көз жұмды, олардың кейбірі ауруханада қайтыс болған. Reuters агенттігінің дерегінше, жараланғандар саны 50-ден асады.
Қалада коменданттық сағат енгізілді. Жергілікті БАҚ наразылықты «зумерлер көтерілісі» деп атап отыр.