Су тасқыны 11 қазанда Будхи-Гандаки өзенінің бойында болған. Алдын ала мәлімет бойынша, көшкін өзен арнасын уақытша бөгеп, кейін су бөгетті бұзып өткен. Соның салдарынан төменгі ағыстағы елді мекендерді су басқан.
Непалдың ұлттық апаттар қаупін азайту және басқару органының мәліметінше, із-түзсіз жоғалған бес адамның екеуі – әйел, үшеуі – ер адам. Қазіргі уақытта олардың қайда екені белгісіз.
Тасқын бірнеше үйді, аспалы көпірлерді және жол қатынасына арналған көпірді шайып кеткен. Сондай-ақ су электр станциясының құрылысы жүріп жатқан аумаққа зиян келген.
Құтқару жұмыстарына әскерилер, полиция қызметкерлері және тікұшақтар тартылған. Өзен бойындағы қауіпті аймақтарда тұратын тұрғындарға қауіпсіз жерге көшу туралы ескерту жасалды.
Бұл Непалда соңғы айларда болған алғашқы ірі табиғи апат емес. Тамыз айында елдің Қытаймен шекаралас аумағында мұздықтың опырылуынан кейін жойқын су тасқыны болып, 1,4 мыңнан астам адам қаза тапқаны хабарланған.
Қазіргі уақытта жоғалған адамдарды іздеу және тасқын салдарын бағалау жұмыстары жалғасып жатыр.
