Мемлекеттік кірістер комитеті елде 2022 жылдан бері қолданыстағы «Google салығын» еске салды. Бұл салық бойынша шетелдік интернет-компаниялар тауар мен қызметті онлайн сатқан жағдайда, Қазақстан бюджетіне ҚҚС төлеуге міндетті.
Тіркеуден бас тартқан жағдайда, тіпті платформаның жұмысы бұғатталуы мүмкін.
«Жаһандық цифрлық платформалармен өзара іс-қимылды жетілдіру аясында 2025 жылдың мамырында жасанды интеллект саласындағы жетекші америкалық OpenAI LLC компаниясы (ChatGPT-тің әзірлеушісі) шартты түрде тіркелді», – делінген комитет хабарламасында.
Өткен жылы «Google салығынан» ел бюджетіне 35 миллиард теңге түскен.
