Бүгінгі Қазақстан және әлемдегі жаңалықтар | Newsroom.kz RU search

Дженнифер Лопес Алматыда да концерт бермек

"Астана концерт" компаниясының продюсері Мәлік Хасеновтың мәлімдеуінше, әлемдік жұлдыз Дженнифер Лопес Қазақстанда екінші концертін де береді. Шоу 10 тамыз күні мәдени астанамыз – Алматыда өтпек, деп хабарлайды newsroom.kz.

Дженнифер Лопес Алматыда да концерт бермек
Фото: instagram.com/jlo

Еске сала кетейік, әншінің алғашқы концерті 1 тамызда Астанада ұйымдастырылады.

«Астанадағы және Алматыдағы концерттерге сатып алынған билеттер толықтай қайтарылмайды. Джей Лоның халықаралық тур менеджменті бекіткен осы талаптың арқасында Қазақстанда екінші концерт өткізу мүмкін болды», – деп хабарлады компания өкілдері.

Айта кетейік, Астанадағы концертке арналған билеттердің сатылымы Ticketon платформасы үшін нағыз сынаққа айналды — сайт билет сату басталмай жатып-ақ істен шыққан.

Қолданушылардың шамадан тыс көп кіруінен туындаған техникалық ақаулар салдарынан шамамен 200 адам елордадағы концертке тегін қатысатын болды.

Мобилді қосымшаны жүктеп алыңыз

NewsRoom.kz қосымшасын жүктеп, жаңалықтардан хабардар болыңыз

Орнату