Freedom Holding Corp компаниясының басшысы Тимур Турлов әлемдік мегажұлдыз Дженнифер Лопестің концертіне билеттер сатыла бастағаннан кейін холдингтің құрамына кіретін Тикетонбилеттерін сату қызметінің мәліметтер базасының ақаулары туралы айтты.
«Сату кезінде сайт жүктемені көтере алмады, деректер базасы істен шықты, соның салдарынан техникалық ақауға байланысты көптеген билет қайталанып сатылып кетті. Әріптестеріміз билеттер қайталанып жатқанын көргеннен кейін сатылымды тоқтатты. Осыдан кейін тегін орындар түріндегі балама іздеу әрекеті басталды», - деп жазды Турлов.
Сонымен, сайт билет сатуды тоқтатқан кезде, барлық орын сатылмаған еді, бірақ ваучерлердің жалпы саны стадион сыйымдылығынан 10% асып түсті. Команда бос «дубльдерге» және ақауға байланысты орыны бірнеше рет сатылған адамдарға балама жолды ұсынуға тырысты. Ол компания ұйымдастырушылардан қымбатырақ билеттерді өз қаражатына сатып алғанын және мүмкіндігінше тегін апгрейд ұсынғанын айтты. Оның айтуынша, барлық сатып алушыға орын табу мүмкін болмаған.
«Біріншіден, біз барлығына қызмет ақысын қайтарамыз. Бұл біздің концерттен түскен барлық табысымыз. Екіншіден, дубльге түсіп қалған, бағасы бойынша «нашар» балама тапқандар үшін билетті ұйымдастырушылардан өз қаражатымызға сатып алып, ақшасын клиентке қайтарамыз. Олар концертке тегін қатыса алады. Үшіншіден, басқа орынға немесе би алаңына ауыстырылғаны (егер ол бұрынғы билеттен қымбат болса) үшін билет құнының 50% мөлшерінде өтемақы төлейміз. Сіз билетті өткізіп, толық құнын қайтарып алсаңыз да 50% ала аласыз.
Төртіншіден, біз балама таба алмаған және ешқандай ваучер бермеген адамдарға барлық ақшасынқайтарамыз және сатып алынған билет құнына тең өтемақы береміз. Яғни екі есе етіп қайтарып аласыз. Міне, осының барлығы бізге бірнеше жүз миллион теңге шығын әкеледі. Осымен болды. Бұл шешімнен біз жалпылай алғанда, осы қызметтің бір жылдық пайдасын жоғалтамыз, біздің бүкіл командамыз оған толығымен лайық болғанына сенімдімін. Техникалық есепті кейінірек жазамыз. Енді біз мұндай концерттердің астарында қандай техникалық қиындықтар жатқанынан хабардармыз», - деп қосты ол.