Сот оны азаптау мен аса қатыгездікпен жасалған кісі өлтірулерге, сондай-ақ соғыс қылмыстары мен адамзатқа қарсы қылмыстарға кінәлі деп таныды.
Тергеу мәліметтеріне сәйкес, Васим Асад 2011 жылдан бері Гият Даллаға бағынышты қарулы топты құрып, оған жетекшілік еткен. Бұл топ Дамаск маңындағы Шығыс Гута аудандарына, соның ішінде әл-Малиха қаласына шабуылдар жасаған.
Сонымен қатар, Васим Асадқа есірткі саудасымен айналысты деген айып тағылған. Алайда сот бұл айып бойынша дәлелдердің жеткіліксіз болуына байланысты оны ақтады.
Сот оның жылжымалы және жылжымайтын мүлкін тәркілеу туралы шешім шығарып, азаматтық талапкерлерге өтемақы төлеуге міндеттеді.
Васим Асадтың үстінен шығарылған үкім оның Сирия мен Ливан шекарасында ұсталғанына шамамен бір жыл өткен соң жарияланды.
CNN Arabic мәліметінше, ол Сирия аумағында сотталып, өлім жазасына кесілген Асадтар әулетінің алғашқы мүшесі болды. Ал Башар Асад пен оның ағасы Махер Асад бұған дейін сырттай өлім жазасына кесілген. Екеуі де Сириядан кеткен.
