Ұлыбританияның беделді басылымы The Telegraph Бозжыраны әлемдегі үздік он шөлейт өңір тізіміне қосты. Материал авторы — 25 жылдан астам уақыт бойы әлемнің түрлі аймақтарын зерттеп келе жатқан саяхатшы әрі журналист Сара Маршалл.
Мақалада Маңғыстау өңірі Каспий теңізі жағалауындағы бірегей геологиялық ландшафттар мекені ретінде сипатталады. Әсіресе Үстірт жазығындағы Бозжыра шатқалының әктасты шыңдары мен ерекше бедеріне айрықша назар аударылған.
Автордың айтуынша, бұл аймақта туристік инфрақұрылым енді ғана дамып келеді. Соның арқасында саяхатшылар табиғатты бастапқы, бұзылмаған қалпында тамашалай алады.
Бозжыра Сахара, Атакама, Намиб, Антарктида, Вади-Рам, Калахари, Гоби, Колорадо үстірті және Руб-эль-Халисекілді әйгілі табиғи өңірлермен бір тізімде аталды.
