Тағайындалуға дейін ол ҚР Президенті әкімшілігінің ішкі саясат бөлімін басқарған. Бірнеше күннен кейін Сатыбалды оны Алматы әкімінің орынбасары етіп бекітті.
Енді Абзал Нүкенов оңтүстік астанада ішкі саясат, білім, мәдениет, спорт, дін және жастар саясатыбағыттарына жетекшілік етеді. Бұл туралы әкімнің кеңесшісі Ільзат Ақчурин хабарлады.
Абзал Нүкенов 1978 жылдың 21 шілдесінде Жетісу облысында дүниеге келген. Әл-Фараби атындағы ҚазҰУ түлегі, саяси ғылымдардың кандидаты. Еңбек жолын 2000 жылы Алматы қаласы ішкі саясат департаментінде бастаған.
Кейінірек Әуезов ауданы әкімінің орынбасары, Қауіпсіздік кеңесінің жағдайлық орталығының басшысы, Дін істері және азаматтық қоғам вице-министрі қызметтерін атқарды. Сондай-ақ Президент әкімшілігінде түрлі басшылық лауазымдарда болған.
Айта кетейік, Алматының бұрынғы әкімі Ерболат Досаев жуырда жаңа қызметке тағайындалды — ол Президент әкімшілігі басшысының орынбасары болды.
Сондай-ақ, Алматы қаласының бұрынғы әкім орынбасары Ержан Бабақұмаров жанжал кезінде қаза тапқанын да хабарлағанбыз.