Алдын ала мәліметтерге сәйкес, Бабақұмаров пен оның танысы арасында жанжал шығып, төбелеске ұласқан. Алған жарақаттарынан ол көз жұмған. Күдікті ұсталып, уақытша ұстау изоляторына қамалды. Тергеушілер сотқа дейінгі тергеуді бастап, оқиғаның мән-жайын анықтап жатыр.
Ержан Бабақұмаров мемлекеттік басқару саласында бірнеше маңызды қызметтер атқарған. Ол Президент Әкімшілігінің ішкі саясат бөлімінің басшысының орынбасары, Ақпараттық-талдау орталығының басшысы, Президент жанындағы Орталық коммуникациялар қызметінің жетекшісі болды. Сондай-ақ, Премьер-министр Кеңсесі басшысының орынбасары, Мәдениет және ақпарат вице-министрі әрі жауапты хатшы қызметтерін атқарған. Кейінірек Президенттің кеңесшісі — Мемлекет басшысы Әкімшілігінің талдау және болжау орталығының жетекшісі болып қызмет етті.