Зерттеу Астана, Алматы, Шымкент қалаларында және барлық облыстарда тұратын 12 мың үй шаруашылығын қамтыған. Сауалнамаға әр отбасыдан 15 жастан асқан бір адам қатысқан.
Темекі тартатындардың саны барлық жас топтарында азайғаны байқалады. Әсіресе 29 бен 48 жас аралығындағы азаматтар арасында төмендеу бар:
– 29–38 жас аралығында – 5,5 пайызға азайып, 2025 жылы бұл топта темекі тартатындар үлесі 19,3 % болды;
– 39–48 жастағылар арасында – 5 пайызға кеміп, темекі тартатындар 22,7 % болды.
Алайда 15–17 жас аралығындағы жасөспірімдер арасында керісінше — темекі шегетіндер саны артқан: былтыр 1,2 % болса, биыл бұл көрсеткіш 3,6 % жеткен.
Зерттеуде ерлер мен әйелдер арасындағы айырмашылық та көрсетілген. Темекі тартатындардың негізгі бөлігі — ер адамдар: ерлердің 34 пайызы шегетін болса, әйелдер арасында бұл көрсеткіш небәрі 5 пайыз.
Сондай-ақ, ауылдық жерлерде темекі шегетін ересектер үлесі – 19,1 %, ал қалада бұл көрсеткіш – 16,7 % болып отыр.