Алдын ала ақпаратқа сәйкес, жол апаты 17 шілде күні Өскемен қаласында болған. Жеңіл автокөлік жүргізушісі рөлге ие бола алмай, көлік жол жиегіндегі кедергіге соғылған. Соққының әсерінен көлік аударылып, артынша отқа оранған.
Қайғылы оқиға салдарынан салонда болған екі кәмелетке толмаған жолаушы оқиға орнында қаза тапты. Ал көлік тізгінінде болған жасөспірім түрлі дене жарақатымен ауруханаға жеткізілген. Дәрігерлер оған қажетті медициналық көмек көрсетіп жатыр.
Аталған дерек бойынша Қазақстан Республикасы Қылмыстық кодексінің 345-бабының 4-бөлігі бойынша сотқа дейінгі тергеу басталды. Қазіргі уақытта құқық қорғау органдары апаттың нақты себептері мен мән-жайын анықтау үшін қажетті тергеу әрекеттерін жүргізіп жатыр. Сараптамалар тағайындалып, оқиғаға қатысы бар барлық деректер жан-жақты тексерілуде.
