Солтүстік Қазақстан облысы, Ступинка ауылында орналасқан жекеменшік үйде өрт апаты орын алды. Бұл туралы Newsroom.kz тілшісі хабарлайды.
«Өрт сөндіру жұмыстарын жүргізу кезінде оқиға орнынан екі ересек адам мен үш баланың денесі табылды»,-деп пікір білдірді Төтенше жағдай бойынша облыстық департамент қызметінің баспасөз хатшысы Евгений Журавлев.
Tengrinews.kz тілшісі жекеменшік үйде көпбалалы отбасының өмір сүргенін анықтады. 40 жастағы үйдің отағасы жергілікті ЖШС ұйымында жұмыс істегкн. Ер адам өзінің бес баласын жалғыз асыраған. Әйелі 2017 жылы қайтыс болған.
18 жастағы үлкен қызы мектепте жұмыс істеген. 13 және 7 жастағы екі қыздары алтыншы және екінші сыныпта оқыған екен. Одан бөлек, 10 жасар ұлы бесінші сынып оқушысы болған.
Отбасы мүшелерінің ішінен аман қалған жалғыз адам – 16 жасар жасөспірім жігіт. Ол жергілікті колледже білім алады.
