Елімізде жыл басынан бері балабақшадағы тәрбиешілердің қатыгездігіне қатысты 17 жағдай тіркелді. Оның 10 жағдайында тәрбиешілер жұмыстан шығарылған. Қалғаны келісімге келген екен,- деп хабарлайды newsroom.kz порталы Жібек Жолы арнасына сілтеме жасап.
Мамандардың айтуынша мұндай нәрсеге бірқатар факторлар әсер етеді. Кадр тапшылығы мен тәрбиешілерге түскен жүктемеде олардың күйзеліске ұшырауына әкеп соғады.
- Біздің ата-аналар келген кезде міндетті түрде не жейді? және ұрмай ма? деп сұрайды.Қазір кім көрінген балабақша ашып жатыр. Біріншіден ол маман болуы керек. Ата-ананың талабына сай келетін балабақша болуы керек. Жалпы 150 кв. м аумақта 5 топ жүретін балабақшалар баршылық,- деді ҚР Білім беру саласының үздігі Гүлсара Нұрсейітқызы.
Гүлсара Нұрсейітқызының айтуынша, тәрбиеші таңдауда қателеспеу керек. Кәсіби білімі бар, сауатты маман ғана балалармен жүйелі жұмыс істей алады.
Сондай-ақ, жауапты министрлік өкілдері соңғы жалдырда кәсіби тәрбиешілер саны көбейгенін айтты. Сондай-ақ, жекеменшік және мемлекеттік балабақшалар тұрақты түрде белгілі ретпен, барлық талаптарға сәйкес тексерістерден өтіп отырады.
Егер де осыдан екі жыл бұрын өзінің кәсіби білімі бар тәрбиешілер мектепке дейінгі ұйымдарда 53%- ды құраған болса, бүгінгі күні 79%-ды құрайды. Балаларды ерте дамыту институты және Мектепке дейінгі білім беру департаментімен бірге бұл жұмыстарды қадағалап отырмыз- деді Оқу-ағарту министрлігі мектепке дейінгі білім беру департаментінің директоры Манара Адамова .
