Жарнамалық роликте Борат Қазақстан тұрғындары жаңа фильмді көрсе, қатты ашуланатынын айтып, туындыны тіпті екі кинотеатрда да көрсетпеу керектігін мәлімдейді. Алайда бұл видеоның өзі Коэннің жаңа жобасына назар аударту үшін түсірілген.
Актер осылайша өзінің тағы бір танымал кейіпкері — Али Джи туралы «Ali G: Who Iz I?» фильмін жарнамалаған.
Али Джи — өзін танымал рэпер санайтын, спорттық киім киіп, өзін тым жоғары бағалайтын британдық жігіттің сатиралық бейнесі. Ол сұхбаттасушыларына орынсыз әрі күлкілі сұрақтар қойып, қоғамдағы түрлі құбылыстарды әжуалайды.
Кейіпкер туралы алғашқы толықметражды фильм — «Ali G Indahouse» 2002 жылы жарық көрген. Ал жаңа фильмнің премьерасы 23 қазанға жоспарланған.
Дегенмен туынды жарыққа шықпай жатып, нәсілдік стереотиптерді насихаттайды деген сынға ұшырады. Кейбір көрермендер фильмді кинотеатрларда көрсетпеуді талап еткен. Бұған жауап ретінде Саша Барон Коэн Бораттың бейнесінде видео түсіріп, фильмге бойкот жариялауға шақырған.
