Некелер саны бойынша көш басында — Алматы қаласы. «КТК» телеарнасының мәліметінше, 2026 жылдың басынан бері мегаполисте 4600 жаңа отбасы құрылған. Статистикаға сәйкес, Алматыда күн сайын шамамен 70 жұп некеге тұрады. Орта есеппен әйелдер 29 жасында тұрмысқа шықса, ерлер 32 жасында үйленеді.
Биылғы ең егде жастағы күйеу жігіт — 92 жастағы зейнеткер, ал ең жас жұп небәрі 16 жасқа енді толған.
Алайда неке саны жоғары болғанымен, ажырасу көрсеткіші де аз емес. Жыл басынан бері 934 жұп ажырасқан. Орта есеппен ер адамдар 39 жасында, ал әйелдер 37 жасында ажырасуға шешім қабылдайды.
