Әкімнің айтуынша, LRT 30 қыркүйектен бері сынақ режимінде жұмыс істеп келеді. Осы уақыт аралығында шамамен екі жарым ай өтті. Ай соңына дейін барлық вагондар толық жеткізіліп, станциялардың ішкі әрлеу жұмыстары аяқталмақ.
«Бастапқыда сынақ кезеңі үш айдан алты айға дейін созылады деп айтқанбыз. Алдағы бір-екі айдың ішінде барлық тексеру мен дайындық жұмыстары тәмамдалып, LRT-ні толыққанды пайдалануға беруді көздеп отырмыз», – деді қала басшысы Орталық коммуникациялар қызметінде өткен брифингте.
Қала әкімдігінің болжамынша, жаңа көлік желісі іске қосылғаннан кейін Есіл ауданы мен Нұра ауданы бағыттарындағы көлік жүктемесі едәуір азаяды.
