Үкімет отырысында ол бұл тауар санаты азық-түлік инфляциясының өсуіне айтарлықтай ықпал етіп отырғанын атап өтті.
«Азық-түлік инфляциясының өсуіне ет пен ет өнімдері бағасының әсері жоғары екенін ескере отырып, сауда, ауыл шаруашылығы министрліктері мен әкімдіктер аталған өнімдер бағасын тұрақтандыруға ерекше көңіл бөлуі тиіс», — деді премьер-министр.
Тиімді шешім ретінде Бектенов Астанада қолданылып жатқан тәжірибені — ірі сауда желілері арқылы арзандатылған сиыр етін сату тәсілін — бүкіл ел аумағына таратуды ұсынды. Оның айтуынша, бұл шараны кеңейту халық үшін еттің қолжетімділігін арттырып, тұтыну нарығындағы баға қысымын төмендетуге мүмкіндік береді.
