Қорғаныс ведомствосының мәліметінше, тиісті дабылдан кейін әскери бөлімдер оқу полигондары мен оқу орталықтарына жоспарлы марштар жасайды. Сонымен қатар жекелеген бөлімшелер кешенді жауынгерлік дайындық сабақтары өтетін жерлерге әуе, теміржол және автомобиль көлігімен жеткізіледі.
Аталған кезеңде қауіпсіздікті қамтамасыз ету мақсатында өңірлердегі жолдардың кейбір учаскелерінде көлік қозғалысын уақытша шектеу мүмкін екені ескертіледі. Бұл – оқу-жаттығу үдерісінің қауіпсіз және жоспарлы өтуіне қажетті шаралардың бірі.
Қорғаныс министрлігі азаматтар мен бұқаралық ақпарат құралдарының өкілдеріне тек ресми ақпарат көздеріне сүйенуді және тексерілмеген мәліметтерді таратпауды сұрайды. Ресми деректер Armia.kz және министрліктің әлеуметтік желідегі ресми парақшаларында жарияланады.