Бұл ақпарат Қытай Коммунистік партиясы Орталық комитетінің соңғы пленумынан кейін белгілі болды. Пленумға қатысуы тиіс 205 мүше ішінен тек 168 адам ғана жиында болған. Ресми түсіндірме бойынша, қалғандары «қайтыс болған» немесе «тергеуде жүрген». Алайда 26 белсенді мүше бойынша ешқандай ресми ақпарат берілген жоқ.
Сондай-ақ Қытай армиясындағы кадрлық өзгерістер де көзге түседі. Пленумға 42 генерал шақырылғанымен, тек 15-і ғана қатысқан. Қалғандарының қайда екені белгісіз. Сарапшылар бұл жағдайды «жоғары шенді әскери жетекшілерге қатысты сенім дағдарысының белгісі» деп бағалап отыр.
Си Цзиньпин билігі соңғы жылдары армия мен партия ішінде антикоррупциялық тексерістер жүргізіп келеді. Ресми мәлімдемелерге сәйкес, бұл шаралар жемқорлықты жоюға бағытталған. Дегенмен халықаралық сарапшылар аталған тексерістерді «саяси қарсыластарды шектеу» тәсілі ретінде қарастырады.
Қытайдың ішкі саяси тұрақтылығы туралы сұрақтар Еуроодақпен және Германиямен сауда келіссөздері жүргізіліп жатқан сәтте көтеріліп отыр. Мамандардың пікірінше, елдегі кадрлық тұрақсыздық халықаралық серіктестіктерге де ықпал етуі мүмкін.
Қытай коммунистік партиясы биыл 75 жылдық межеге жетті. Сарапшылар бұл кезеңде кез келген саяси жүйеде ішкі қайшылықтар күшейетінін атап өтеді.
Осы жағдай бойынша Қытай билігі ресми түрде толық түсініктеме берген жоқ. Халықаралық қауымдастық сұрақтары әзірге жауапсыз қалып отыр.