Кезекті отырыста депутаттар қоғам мен экономиканың әр саласына әсер ететін бірнеше бастаманы жұмысқа алды.
Атап айтқанда, атқарушылық іс жүргізуді жетілдіру, қылмыстық заңнаманы жаңарту, сондай-ақ Еуразиялық экономикалық одақ шеңберіндегі техникалық бақылау талаптарын үйлестіру туралы заң жобалары қаралмақ.
Сонымен қатар Мәжіліс Халықаралық азаматтық авиация туралы конвенцияның 50 (а) және 56-баптарына өзгерістер енгізу жөніндегі хаттамаларды ратификациялау мәселесін де талқылауға қабылдады.
Бұл бастамалардың мақсаты – құқықтық жүйенің тиімділігін арттыру, халықаралық ынтымақтастықты нығайту және ел заңнамасын заманауи талаптарға бейімдеу.
