Құжатқа Institute of Smart Systems and Artificial Intelligence (ISSAI) мен Shai.Pro компаниясы қол қойды. Тараптар инновациялық шешімдерді енгізу, оқу бағдарламаларын әзірлеу және Қазақстанда цифрлық құзыреттерді дамыту бойынша бірлесіп жұмыс істеуге келісті.
ISSAI атқарушы директоры Хусейн Атакан Варол мен Shai.Pro компаниясының директоры Алибек Полатов бұл әріптестіктің ғылым, бизнес және білім беру салаларын біріктіріп, жасанды интеллект технологияларын ілгерілетуге бағытталғанын атап өтті.
«Shai.Pro мен ISSAI арасындағы серіктестік Қазақстанда жасанды интеллект мектебін қалыптастырудың берік іргетасына айналады деп сенеміз. Бұл – елдің цифрлық трансформациясына бағытталған маңызды қадам», – деді Алибек Полатов.
Меморандумға қол қою рәсімі форумның ең маңызды оқиғаларының бірі болып, мемлекет пен жеке сектордың заманауи технологияларды дамытудағы күш біріктіруінің айқын дәлелі болды.