Содан бері ол Эр-Риядтағы ауруханалардың бірінде жасанды тыныс алу аппаратына қосылып, өмір сүріп келді. Дәрігерлер оның қалпына келуіне ешқандай үміт жоғын айтып, аппараттан ажыратуды ұсынғанымен, әкесі — ханзада Халид бин Талал бұған келіспей, ұлының оянуына сенумен болды.
Ханзаданың қайтыс болғаны туралы хабарды да әкесі өзі әлеуметтік желі арқылы таратты.
«Алланың қалауына сеніп, тағдырға мойынсұна отырып, бүгін жүрегімізге ауыр қайғы түсіп, сүйікті ұлымыздың өмірден өткенін хабарлаймыз. Алла рақым етсін», — деп жазды ол.
Аль-Валид бин Халид жол апатына түскен кезде небәрі 15 жаста болған. Ол әскери колледжде оқып жүрген. Апат кезінде басына ауыр жарақат алып, есін жимастан комаға түскен.
Ол Сауд қоғамында «ұйқыдағы ханзада» деген атаумен танылған болатын. Жыл сайын әлеуметтік желілерде оның жағдайы мен дертіне қатысты пікірталастар жиі көтеріліп тұратын.