Сауд Арабиясының астанасындағы әуежайға жасалған шабуылдан кемінде 12 адам қаза тауып, 300-ден астамы зардап шекті. Бұл жөнінде Tengrinews.kz The Sun басылымына сілтеме жасап хабарлады.
Шабуыл халықаралық король Халид атындағы әуежайдың 3 және 4-терминалдарына тигені айтылады. Бұл терминалдар ішкі рейстерге қызмет көрсетеді.
Медициналық қызметтер зардап шеккендерге көмек көрсету үшін дәрігерлерді шұғыл шақырған. Медициналық ортадағы дереккөздің айтуынша, жараланғандардың біразының жағдайы ауыр.
«Бізге төтенше жағдаймен айналысуға тура келді. Зардап шеккендер Эр-Риядтағы ауруханаларға жеткізіліп жатыр»
Эр-Рияд тұрғындары шабуыл кезінде екі қатты жарылыс естілгенін айтқан. Жарылыстар астананы шайқалтқан.
Сенбі күні АҚШ президенті Дональд Трамп журналистерге Сауд Арабиясының хуситтерге қарсы соққыларына қосылу мүмкіндігін қарастырып жатқанын мәлімдеді. АҚШ мұндай топқа соққы бере ме деген сұраққа ол иә деп жауап берді.
Бұған дейін әуежай тағы да шабуылға ұшырағаннан кейін эвакуацияланғаны хабарланған. Оқиға бұған дейінгі шабуылдан екі күн өткен соң болды, сол кезде Сауд Арабиясының үш азаматы, соның ішінде бір ұшқыш қаза тапқан еді.
Соңғы 24 сағатта кемінде 225 рейс тоқтатылғаны айтылды. Жолаушыларға рейстердің жай-күйін әуекомпаниялардан нақтылап отыру ұсынылды.
