14 шілде күні жедел жәрдем станциясының фельдшері полицияға өндіріс орнында болған қайғылы оқиға жөнінде хабарлаған.
Ақмола облыстық Полиция департаментінің мәліметінше, марқұм сырлау жұмыстары кезінде баспалдақ сынып кетіп, биіктіктен құлаған.
– Ер адам басына қатты жарақат алған. Оқиға орнында жан тапсырды. Аталған дерекке байланысты Қылмыстық кодекстің 156-бабы 3-бөлігі ("Еңбекті қорғау қағидаларын бұзу") бойынша сотқа дейінгі тергеу басталды. Қазіргі таңда сот-медициналық сараптама тағайындалды, – делінген полиция таратқан хабарламада.
Оқиғаға байланысты мемлекеттік еңбек инспекциясы да тексеріс жүргізетін болады.
