Президент қазіргі геосаяси ахуалдың ушығуы жағдайында Катар халқына толық қолдау мен ынтымақтастығын білдіріп, өңірлік тұрақтылықты сақтауда Әмірдің саяси көрегендігі мен жауапты ұстанымын жоғары бағалады.
– Катар Әмірінің дана әрі парасатты басшылығының арқасында өңірдегі шиеленіс деңгейін төмендетуге қол жеткізілді. Оның басшылығымен Катар Таяу Шығыстағы ең күрделі түйткілдерді шешуде маңызды рөл атқарып келеді, – деді Қасым-Жомарт Тоқаев.
Әңгіме барысында екі ел басшылары алдағы кезеңде жоғары деңгейдегі тұрақты байланыстарды жалғастырып, Әмірдің Қазақстанға жоспарланған ресми сапарына дайындықты пысықтауға уағдаласты.