Бүгін Алматыда күн бұлтты, десе де жауын-шашынсыз болады. Күндіз термометрлер бағаны 0 градустан -2 градусқа дейінгі аралықта болад, түнде ауа температурасы -5...-7 градусқа дейін төмендейді. Оңтүстік астанада желдің жылдамдығы секундына 2-7 метрге жетеді.
Астанада да бүгін жауын-шашын күтілмейді. Күндіз термометр көрсеткіші -5...-7 градусқа дейін жетсе, түнде елордада -15...-17 градусқа дейін күн суытады. Желдің жылдамдығы секундына 3-8 метр болады.
Шымкентте күн ашық, жауын-шашынсыз болады деп күтілуде. Күндіз ауа температурасы +4...+6 градусқа дейін жылынса, түнде ауа температурасы -5...-7 градусқа дейін төмендейді. Желдің жылдамдығы секундына 5-10 метрге дейін жетеді.