Бүгін Парижде өтіп жатқан жазғы Олимпиада ойындарына 8 қазақстандық спортшы шаршы алаңда сынға түседі,-деп хабарлайды newsroom.kz
Олимпиада ойындарының кезекті жарыс күнінде еркін күрес балуандарының белдесулерін тамашалаймыз. Бұл сында Мейрамбек Қартбай (57 келі) және Азамат Дәулетбеков (86 келі) Париж боз кілемінде бақ сынайды.
Байдарка мен каноэде ескек есу жарысында әйелдер арасындағы 200 метр қашықтықта Мария Бровкова жарыс жолына шығады.
Сондай-ақ, көркем гимнастикадан Париж Олимпиадасында Эльжана Таниева жарысты бүгін бастайды.
Қазіргі бессайыстан Елена Потапенко мен Георгий Борода-Дудочкин жарыс жолына шығады.
Спорттық құзға өрмелеуден Олимпиада рекордын жаңартқан Әмір Маймұратов ширек финалда бақ сынайды.
