Елордада Маңғыстау облысы ПД криминалдық полиция және экстремизмге қарсы іс-қимыл басқармасының қызметкерлері халықаралық іздеуде жүрген 32 жастағы қазақстандықты ұстады,- деп хабарлайды Newsroom.kz
Ұсталған азамат пен ол құрған ұйымдасқан топтың мүшелері алаяқтық әрекеттер жасады деп айыпталды. Салдарынан 231 азаматқа 3 миллиард теңгеге жуық шығын келтірілді.
Бұған дейін бұл қылмыстық топтың 5 мүшесін полиция қызметкерлеріне ұсталған. Қазір олар тергеуде.
Күдікті уақытша ұстау изоляторына қамалды.
Қазіргі таңда, сотқа дейінгі тергеу амалдары жүргізілуде. Өзге мәліметтер тергеу мүддесі үшін жария етілмейді.