Жетісу облысы Ескелді ауданындағы Бақтыбай ауылында жеке тұрғын үйдегі өрт салдарынан үш кәмелетке толмаған бала қаза тапты. Қайғылы оқиға 25 қыркүйек күні таңертең болған.
Өрт барак үлгісіндегі жеке үйден шыққан. Сол сәтте анасы 13 жастағы баласымен бірге өздігінен сыртқа шығып үлгерген, ал тағы үш бала үйдің ішінде қалған.
Оқиға орнына барған құтқарушылар өртті сөндіру кезінде үй ішінен бір, алты және сегіз жастағы балалардың денесін тапқан.
Қазіргі уақытта өрттің шығу себебі анықталған жоқ. Мамандар оқиғаның мән-жайын, соның ішінде өрттің ықтимал ошағын және үйдің өртке дейінгі жағдайын тексеріп жатыр.
Қайғылы оқиғаның нақты себебі туралы ресми ақпарат әзірге жарияланған жоқ.
