Ақпаратты Жамбыл облысының полиция департаменті растады. Нәрестені қоқыс жәшігінен тауып, медициналық мекемеге жеткізген.
Полиция мәліметінше, сәбиді қауіпті жағдайда қалдыру фактісі бойынша қылмыстық іс қозғалды. Қазір жедел-іздестіру және тергеу шаралары жүргізіліп, баланың анасын анықтау жұмыстары қолға алынған.
Дәрігерлердің бақылауындағы қыздың жағдайы тұрақты. Полиция бастапқыда оның өміріне қауіп жоқ екенін хабарлаған.
Құқық қорғау органдары оқиғаның барлық мән-жайын анықтап жатыр. Тергеу барысына қатысты өзге ақпарат әзірге жарияланған жоқ.
