28 тамыз күні Алматы әуежайында FlyArystan әуе компаниясының ұшағы техникалық жұмыстар жүргізіліп жатқан кезде жанды. Өртті әуежайдың шұғыл қызметтері дер кезінде сөндірді.
Әуе компаниясының мәліметінше, оқиға жоспарлы техникалық жұмыс барысында болған. Өрттің нақты неден шыққаны әзірге айтылған жоқ.
«Во время проведения работ произошло локальное возгорание, которое было оперативно ликвидировано экстренными службами аэропорта», — делінген хабарламада.
Оқиға кезінде бортта жолаушылар да, экипаж мүшелері де болмаған. Алматы әуежайымен бірлесіп, мән-жайы анықталып жатыр.
Инцидент барысында Air Astana тобының бір қызметкері жарақат алды. Оған медициналық көмек көрсетіліп, кейін ауруханадан жіберілген.
Өрттен кейін әуе кемесі уақытша пайдаланудан шығарылды. Қазір мамандар оның қаншалықты зақымданғанын бағалап, қажетті жөндеу жұмыстарын жүргізіп жатыр.
