Сот анықтағандай, қайғылы оқиға 2026 жылдың наурыз айында болған. Ер адам бұрынғы әйеліне аңшылық карабинінен екі рет оқ атқан. Оқтың бірі әйелдің басына, екіншісі кеуде тұсына тиген. Ол алған жарақатынан оқиға орнында көз жұмған.
Қылмыстан кейін ер адам оқиға орнынан кетіп қалған. Алайда кейін полицияға өзі келіп, болған жағдайды хабарлаған. Сот барысында ол кінәсін мойындады.
Сот жаза тағайындау кезінде істегі жеңілдететін мән-жайларды ескерген. Заңға сәйкес, мұндай жағдайлар болған кезде адам өміріне қарсы аса ауыр қылмыс үшін тағайындалатын жаза қылмыс үшін көзделген ең жоғары мерзімнің төрттен бесінен аспауға тиіс.
Нәтижесінде сот ер адамды 12 жылға бас бостандығынан айырды.
Сонымен қатар, жәбірленушілердің азаматтық талап-арызы ішінара қанағаттандырылып, оларға моральдық зиян үшін өтемақы өндіріп беру туралы шешім қабылданды.
Сот үкімі әзірге заңды күшіне енген жоқ.
