Ұлттық қауіпсіздік саласы негізінен мемлекеттердің қорғаныс қабілеті мен ұлттық мүдделерін сақтау үшін қызмет атқаратын мемлекеттік құрылымдармен (қарулы күштер, арнайы қызметтер, құқық қорғау органдары және т.б.) байланысты. Сонымен қатар, ұлттық қауіпсіздікке ақпараттық, экономикалық, экологиялық және әлеуметтік қауіптер де қатысты.
Түркістан қаласы Қазақстанның тарихи орталықтарының бірі болып табылады, және ол елдің рухани және мәдени мұрасы мен дамуында маңызды рөл атқарады. Қалада ұлттық қауіпсіздік мәселелері түрлі тұрғыдан талқыланады, оның ішінде:
Шекаралық қауіпсіздік: Түркістан облысы Қазақстанның оңтүстігінде орналасқандықтан, оның шекаралық қауіпсіздігі аса маңызды. Бұл жерде есірткі саудасы, адам саудасы және басқа да трансұлттық қылмыстардың жолын кесу маңызды болып табылады.
Экономикалық қауіпсіздік: Түркістан өңірінде ауыл шаруашылығы мен сауда салалары дамығандықтан, экономикалық қауіпсіздік мәселелері маңызды болып табылады. Су ресурстарын басқару, азық-түлік қауіпсіздігі және өңірдің экономикалық тұрақтылығын сақтау негізгі мақсаттардың бірі.
Қоғамдық қауіпсіздік: Түркістан қаласы ұлттық мәдениеттің орталығы болғандықтан, қоғамдағы тұрақтылықты сақтауға ерекше назар аударылады. Әлеуметтік әділеттілік, мәдени интеграция және қоғамдық тыныштық ұлттық қауіпсіздіктің ажырамас бөлігі болып табылады.
Ұлттық қауіпсіздік туралы концепция алғаш рет халықаралық деңгейде 20 ғасырдың ортасында дамыды. Кеңес Одағында және АҚШ-та ұлттық қауіпсіздік тұжырымдамасы әртүрлі мазмұнда болғанымен, оның негізгі мақсаты мемлекеттердің өздеріне тән қауіптерден қорғануы және халықтың әл-ауқатын қамтамасыз ету болды. Қазақстанда ұлттық қауіпсіздік туралы тұжырымдама мен заңдар тәуелсіздік алғаннан кейін кеңінен дамып, елдің қауіпсіздігін қамтамасыз ету мақсатында түрлі стратегиялық жоспарлар қабылданды.
Ұлттық қауіпсіздік жүйесі – мемлекеттігіміздің басты тұғыры және дербес дамуымыздың мызғымас тірегі. Отан үшін аянбай еңбек етіп жүрген азаматтардың арқасында еліміз өсіп-өркендеуде. «Сіздер ішкі және сыртқы қауіп-қатерлерге дер кезінде тойтарыс беріп келесіздер. Бүгінде мемлекеттің негізі және конституциялық құрылымы берік қорғалған. Тәуелсіздігіміздің құндылықтары бірнеше рет елеулі сын-қатерлерге тап келді. Сіздер бейбітшілік пен келісімді сақтау үшін табанды еңбек еттіңіздер», – деді Президент.
Мемлекет басшысы ұлттық қауіпсіздік органдарының екі мыңыншы жылдары терроризм мен радикалды діни экстремизмге қарсы күреске қосқан үлесіне тоқталды. Сондай-ақ Сыртқы барлау қызметінің ұлттық мүддені қорғау жолында өз міндетін табысты орындап келе жатқаны және Комитеттің "А" арнаулы қызметі мен Шекара қызметінің жұмыстары туралы айтты.
Ұлттық қауіпсіздік — бұл елдің барлық салаларын қорғауға бағытталған маңызды құрал. Түркістан сияқты маңызды өңірлерде бұл мәселе шекаралық, экономикалық және қоғамдық тұрғыдан да ерекше назарда. Қазақстанның ұлттық қауіпсіздігіне қауіп төніп тұрған жағдайда, мемлекет оның алдын алу шараларын жан-жақты жүргізіп, елдегі тұрақтылық пен даму үшін тиімді жүйелерді құруда.
Айта кетелік былтыр Түркістан облысы, Сауран ауданында Ұлттық қауіпсіздік комитетінің жаңа әкімшілік ғимараты пайдалануға берілді. Бұл нысанда қауіпсіздік қызметкерлеріне қолайлы жағдай жасалған. Нысанның ашылуына Түркістан облысының әкімі Н.Көшеров, ҚР ҰҚК Түркістан облысы бойынша департаментінің бастығы Б.Қалмұрзаев және сала ардагерлері қатысты.
Сондай-ақ, Түркістан қаласында түркі мемлекеттері басшыларының қатысуымен халықаралық деңгейдегі маңызды саммит өтті.
Осындай ауқымды саяси іс-шара кезінде қоғамдық қауіпсіздік пен құқықтық тәртіпті қамтамасыз ету міндеті ҚР ІІМ Ұлттық ұланының әскери қызметшілеріне жүктелген.
Саммит барысында Тараз қаласында орналасқан 5513 әскери бөлімінің сарбаздары да күшейтілген тәртіпте қызмет атқаруда.
Солардың бірі – қатардағы Серік Тасмұрат. Жас сарбаз үшін Түркістан секілді тарихи әрі рухани маңызы зор шаһарда қызмет ету үлкен жауапкершілікпен қатар, зор мақтанышқа айналған.
Бүгінде әскери бөлімнің жеке құрамы қала аумағындағы қоғамдық тәртіпті бақылап, тұрғындар мен қонақтардың қауіпсіздігін қамтамасыз ету бағытында тәулік бойы қырағылық танытып келеді. Әрбір әскери қызметшіге нақты міндеттер жүктеліп, қауіпсіздік шаралары жоғары деңгейде ұйымдастырылған.
Қатардағы Серік Тасмұраттың айтуынша, мұндай маңызды халықаралық жиындардың қауіпсіз өтуіне үлес қосу – әр сарбаз үшін үлкен сенім.
– Түркістанда қызмет атқару мен үшін ерекше тәжірибе болды. Бұл – тек көне шаһар ғана емес, күллі түркі әлемінің рухани орталығы. Осындай маңызды кезеңде ел қауіпсіздігін қамтамасыз етуге атсалысу – үлкен мәртебе. Әскери қызмет бізді тәртіпке, жауапкершілікке және кез келген жағдайда ел тыныштығын қорғауға дайын болуға үйретеді, – дейді ол.
Саммит қарсаңындағы қызмет барысында 5513 әскери бөлімінің сарбаздары кәсібилік пен қырағылық танытып келеді. Қоғамдық орындардағы тәртіпті сақтау, азаматтардың қауіпсіздігін қамтамасыз ету, қаладағы тұрақтылықты бақылау – олардың күнделікті қызметінің маңызды бөлігіне айналған.
Қатардағы Серік Тасмұрат үшін бұл күндер тағы бір маңызды оқиғамен есте қалған. Қызмет барысында көрсеткен жауапкершілігі мен тәртібі үшін ол Қазақстан Республикасы Ұлттық ұланы «Оңтүстік» өңірлік қолбасшылығының қолбасшысы генерал-майор Сакентай Шекарбековтың қолынан алғысхат алған.
– Бұл – тек маған ғана емес, бүкіл әскери бөлімнің жеке құрамына көрсетілген сенім деп білемін. Осындай бағалау әр сарбазға үлкен жігер береді әрі Отан алдындағы қызметті адал атқаруға ынталандырады, – дейді жас сарбаз.
Әскери қызмет барысында сарбаздар тек жауынгерлік даярлықты шыңдап қана қоймай, жауапкершілік пен төзімділікті де қалыптастырады. Түркістандағы қызмет – жас әскери қызметшілер үшін үлкен тәжірибе мектебі.
5513 әскери бөлімінің сарбаздары бүгінде қоғамдық қауіпсіздікті қамтамасыз ету жолында абыройлы қызмет атқарып келеді. Олар үшін басты міндет – ел тыныштығы мен халық қауіпсіздігін сақтау.
