Компанияның мәліметінше, 2026 жылғы 24 қаңтарда FS7167 рейсін орындау кезінде әуе кемесі құстарға соғылған. Ұшақ Орал әуежайына қонғаннан кейін, әуе кемесі мен оның жүйелерін тексеру үшін Астанадан инженерлік-техникалық мамандар жіберілген.
Барлық тексерулер аяқталған соң ұшақ пайдалануға жарамды деп танылып, 25 қаңтар күні сағат 01:17-де Орал – Алматы бағыты бойынша қайта ұшқан.
Кешіккен рейстің жолаушыларына ыстық сусындар мен тамақ ұсынылған, сондай-ақ сұраныс бойынша 33 жолаушы қонақүйге орналастырылған.
FlyArystan өкілдері жолаушылар мен экипаж қауіпсіздігі басты басымдық екенін атап өтті. Компания құстармен соқтығысу әуе тасымалдаушысына тәуелсіз сыртқы факторларға жататынын да мәлімдеді.
