Сот дерегінше, талап қоюшы 2023 жылдан бастап «Т.» ЖШС-де Жетісу облысындағы станциялардың бірінде жол монтері болып жұмыс істеген. Бір күні автокранның темір тросы үзіліп, ауыр механизм оның үстіне құлаған. Салдарынан ер адам ауыр жарақат алып, ІІ топтағы мүгедектік беріліп, еңбекке қабілеттілігінің 70 пайызын жоғалтқан.
Компания басшылығы оған бұрын 5,4 миллион теңге көлемінде төлем жасаған. Алайда жәбірленуші денсаулығына келген моральдық зиян үшін қосымша өтемақы талап етті.
Кейіннен Сот жазатайым оқиға жұмыс берушінің кінәсінен болғанын анықтады. Компания жәбірленушіге 3 млн теңге өтемақы беретін болды.
Шешім заңды күшіне енді.