Зерттеу еліміздің 20 өңірінен 308 кәсіпкер арасында жүргізілді. Нәтижесінде, TikTok-ты аптасына бір реттен жиі пайдаланатын әр алтыншы кәсіпкер табысының жартысынан астамын осы платформадан табатынынайтқан.
Платформаны ең белсенді қолданатындар — нарықта он жылдан астам жұмыс істеп келе жатқан компаниялар (52%). 5–10 жыл аралығында қызмет етіп жүрген кәсіпорындардың 47%-ы да TikTok-та үнемі контент жариялап отырады.
Ең табысты салалар
TikTok әсіресе креативті және қызмет көрсетуге бағытталған секторларда табыс көзіне айналған. Олардың қатарында қонақүй және курорт бизнесі, ойын-сауық индустриясы, сұлулық пен денсаулық саласындағы қызметтер бар.
Өңірлер бойынша:
Астанада денсаулық, сұлулық және спорт саласы жетекші (25%),
Алматыда осы бағыттағы үлес — 32%,
Шымкентте белсенділік сауда саласында (52%) байқалды.
Бизнес не үшін TikTok қолданады?
Респонденттердің 81%-ы TikTok жаңа клиенттер тартуға көмектеседі десе, 79%-ы бар клиенттермен байланысты нығайтады деп санайды. Ал 71% кәсіпкер платформаны бәсекелестерден ерекшеленудің тиімді тәсілі деп бағалаған.
Үш түрлі сценарий
Консервативті сценарий бойынша (TikTok қолданушылар – 10%) табыс көлемі – 219 млрд теңге.
Базалық сценарийде (15%) — 329 млрд теңге,
Оптимистік сценарийде (20%) — 438 млрд теңге.
Бұл көрсеткіш TikTok-тың елдің креативті экономикасы мен кәсіпкерліктің тұрақты дамуына нақты үлес қосып отырғанын дәлелдейді. Сарапшылардың айтуынша, алдағы 2–3 жылда платформаны белсенді қолданатын компаниялар саны екі есеге артуы мүмкін.