Жоба 4–5 жастағы балаларға арналған. Ел бойынша 100 балабақша қатысады. Оның 62-сі мемлекеттік, 38-і жеке ұйым.
Министрліктің мәліметінше, бастама балаларға еңбекке құрметпен қарау, жауапкершілік пен табандылық қасиеттерін қалыптастыруға бағытталған.
Жоба мазмұны жас ерекшеліктеріне сай әзірленген. Күн сайын ойын және тәжірибелік сабақтарда балалар түрлі мамандықпен танысып, қарапайым еңбек дағдыларын меңгереді.
Ведомство өкілдері бұл бастама балалардың еңбекке қызығушылығын арттырып, ұжымда жұмыс істеуді үйрететінін, болашақта саналы мамандық таңдауға алғашқы қадам болатынын айтады.
Айта кетейік, 2022 жылы вице-премьер Ералы Тоғжанов мектептерде «Еңбекке баулу» пәні енгізілетінін мәлімдеген еді. Сондай-ақ мектептерде жылыжай ашу және жетінші сыныптан бастап кәсіби бағдар беретін педагогтарды тарту жоспарланған.