2025 жылдың 27 қазанында Илон Маск xAI арқылы Grokipedia енциклопедиясының алғашқы — v0.1 нұсқасын іске қосты. Жаңа платформа Wikipedia-ға ұқсас форматта болса да, қазіргі таңда шамамен 885 000 мақалаға ие, ал ағылшын тілді Википедия 8 миллионнан астам жазбаны қамтиды.
Масктың айтуынша, осы жоба «ақиқатқа негізделген, тәуелсіз энциклопедия» ретінде Wikipedia-да бар деген идеологиялық теңсіздікті жойғысы келеді.
Алайда бастамасы сәл қиын болды — сайт іске қосылғаннан кейін көп өтпей техникалық ақауларға ұшырады.
Мәліметтерге сүйенсек, кейбір мақалаларда идеологиялық түсініктеме басым, мысалы, Grokipedia-дағы «гендер» туралы жазбада адам-заттың жыныстық жіктелуі биологиялық негізде қарастырылған, ал Википедияда әлеуметтік, психологиялық және мәдени аспектілерге назар аударылады.
Сонымен бірге, кей жазбалардың мәтіні Wikipediа-ның мазмұнымен айтарлықтай ұқсас болып шықты, бұл жаңа энциклопедияның дерек көзі ретінде Wikipedia-ға тәуелді екенін дәлелдеуі мүмкін.
Бұл іске қосу Масктың ақпарат кеңістігіндегі өз орны мен ИИ жүйесіндегі ықпалын кеңейтуге бағытталған тағы бір қадам ретінде бағаланады. Grokipedia алдағы уақытта қандай бағытта дамитыны және оны пайдалану сапасы қалай болатыны уақыт көрсетеді.