Су – экономикалық өсім мен әлеуметтік тұрақтылықтың өзегі. Ауыл шаруашылығынан бастап энергетика мен өнеркәсіпке дейінгі барлық салалар судың жеткілікті болуына тәуелді.
Су шаруашылығы саласының белді өкілі Нұғман Қарабалин былай дейді:
«Бүгінде су ресурстарын басқару – ұлттық қауіпсіздік мәселесі. Әлемде судың тапшылығы күшейіп келеді. Сондықтан әр тамшы суды ұтымды пайдалану мәдениетін қалыптастыру қажет».
Елімізде «Ауыз су», «Жасыл Қазақстан» және су инфрақұрылымын жаңғырту бағдарламалары іске асуда. Сарапшы атап өткендей, заманауи су үнемдеу технологияларын енгізу және жергілікті деңгейде су қоймаларын салу – өңірлік дамудың шешуші қадамдарының бірі.