Қауіпсіз қоғам – әрбір азаматтың жауапкершілігіне негізделген. Ішкі қауіпсіздікті қамтамасыз етуде полицияның, жергілікті биліктің және қоғамның өзара іс-қимылы шешуші рөл атқарады.
Қазіргі таңда қоғамдық тәртіпті сақтау мен төтенше жағдайлардың алдын алуда заманауи технологиялар қолданылады. Бірақ техникалық құралдар қаншалықты жетілгенімен, ең маңыздысы – адам факторы.
Республикалық ардагерлер кеңесінің мүшесі Мерген Байболов өз пікірін былай жеткізді:
«Қоғам қауіпсіздігін сақтауда ең бастысы – сенім мен сергектік. Егер тұрғындар полициямен бірлесе әрекет етсе, қауіптің алдын алуға болады. Біз кезінде азаматтармен ашық байланыс орнатудың маңызын жақсы түсіндік».
Байболовтың айтуынша, қазіргі уақытта қылмыстың сипаты өзгерген. Интернет алаяқтық, киберқылмыс, ақпараттық манипуляция – жаңа қауіптер. Сондықтан құқық қорғау құрылымдары кәсіби әрі технологиялық тұрғыда жаңаруы тиіс.
Сонымен бірге жастардың патриоттық сезімін, қоғамдық жауапкершілігін арттыру арқылы қауіпсіз орта қалыптастыру қажет.