Бірақ бір ерекшелік бар — ел бойынша бірыңғай шекті баға белгіленбейді. Әр жанармай бекеті бағаны 16 қазандағы деңгейде өз бетінше ұстап тұрады.
«Бұл тәсіл бәсекелестікті сақтауға мүмкіндік береді және әр оператор арасындағы баға айырмашылығын түсіндіреді», – деді министрлік өкілдері.
Министрлік мәліметінше, ірі желілердегі баға қазір мынандай:
- АИ-92 – литріне 213–239 теңге аралығында;
- Дизель – литріне 317–337 теңге аралығында.
Энергетика министрлігі елдегі отын қоры тұрақты жеткілікті екенін айтты:
- АИ-92 – 341 мың тонна,
- Дизель – 405 мың тонна.
Қазір екі мұнай өңдеу зауыты қалыпты режимде жұмыс істеп тұр. Ал Атырау МӨЗ 25 қазаннан бастап жоспарлы жөндеуден кейін кезең-кезеңімен іске қосылады.
