Дүниежүзілік денсаулық сақтау ұйымының (ДДСҰ) мәліметінше, соңғы жылдары көптеген бактериялар антибиотикке әсер етпей, емге көнбей барады. Сарапшылардың айтуынша, медицина осы қарқынмен кете берсе, адамзат пенициллин табылғанға дейінгі кезеңге қайта оралуы мүмкін, деп жазды Reuters.
Жаңа есеп бойынша, әлемдегі әр алтыншы инфекция антибиотикке төзімді болып шыққан. Соңғы бірнеше жылда мұндай төзімділіктің деңгейі шамамен 40 пайызға артқан.
Ұйымның дерегіне сәйкес, жыл сайын бір миллионнан астам адам бактериялардың дәріге төзімділігі салдарынан көз жұмады.
