Қазақстан ұлттық құрамасының да, «Қайраттың» да басты жұлдызы саналатын Анарбеков осыған дейін ел футболындағы сенсацияға себепкер болған еді. Ол Алматы клубын УЕФА Чемпиондар лигасының топтық кезеңіне шығарып, жанкүйерлердің сүйіктісіне айналды.
Еске сала кетсек, 27 тамызда өткен шешуші ойында «Қайрат» Шотландияның «Селтигін» пенальти сериясында (3:2) тізе бүктіріп, тарихта алғаш рет Чемпиондар лигасының топтық кезеңіне өтті. Сол матчта небәрі 21 жастағы Анарбеков үш пенальтиді тойтарып, нағыз қаһарман атанған еді.
Айта кетейік, алматылық клуб алғаш рет Еуропаның басты додасында бақ сынайды. Ал 30 қыркүйекте «Қайрат» өз алаңында әйгілі «Реал Мадридті» қабылдайды.