Tengri travel дерегінше, әуе кемесі герметизацияның бұзылуына байланысты кері бұрылған болуы мүмкін.
Air Astana бұл ақпаратты растады. Компанияның мәліметінше, Airbus A321 ұшағы KC855 рейсін орындау кезінде техникалық себеппен Алматы әуежайына қайта оралған. Қону уақыты – 21:18, қону қалыпты жағдайда өткен.
– Рейсті жалғастыру үшін Астанада тұрған әуе кемесі пайдаланылады. Осыған байланысты KC856 Астана–Алматы рейсі 02:00-де, ал KC855 Алматы–Астана рейсі 04:45-те орындалады. Кешіктірілген рейс жолаушыларына SMS арқылы хабар беріліп, күту кезінде тамақ пен сусын ұсынылды, – делінген компания хабарламасында.