Аталған құжат қос мемлекет арасындағы ұзақ жылдарға созылған әскери қақтығысты түбегейлі тоқтатып, дипломатиялық қатынас орнатуға және берік бітім негізінде ынтымақтастықты дамытуға жол ашты.
Мемлекет басшысының пікірінше, Әзербайжан мен Арменияның мұндай уағдаластыққа келуі – АҚШ Президенті Дональд Трамптың тегеурінді әрі тиімді бітімгерлік миссиясының нәтижесі. Трамп екі ел басшыларын саяси ерік-жігер танытып, стратегиялық тұрғыдан көреген шешім қабылдауға көндіре алды.
Қасым-Жомарт Тоқаев Қазақстан да бұл маңызды келісімге өз үлесін қосқанын атап өтті. Ел Президентінің айтуынша, бейбіт келісімнің негізгі шарттарына қатысты сыртқы істер министрлері деңгейіндегі келіссөздер алаңы ретінде Алматы қаласы ұсынылған.
Министрлер арасындағы келіссөздер дәл осы Алматыда өтіп, тарихи бітімнің негізін қалады.