«Қазатомөнеркәсіп» таратқан мәліметке сәйкес, SEAS басқаруындағы нысандар Словакиядағы электр энергиясының 70 пайызын өндіреді. Мемлекет үлесі бар бұл компания елдегі екі АЭС – "Богунице" мен "Моховце" станцияларына жауапты.
Жаңа келісім уран концентратын, болашақта уран диоксидін де Словакияға жеткізуге мүмкіндік береді.
Ұлттық компанияның басқарма төрағасы Мейіржан Юсупов бұл келісімді Еуропа елдерімен ұзақ мерзімді әріптестік орнатудағы маңызды қадам деп атады.
Айта кетейік, маусым айында Қазақстан ураны Чехия мен Болгариядағы АЭС-терге де жеткізілетіні белгілі болды.
Ал шілде басында Түркістан облысында уран өңдейтін зауыт іске қосылғаны хабарланған. Бұл жобаға Франция компаниясы да қатысқан.
