2025 жылдың қаңтар-мамыр айларының деректері бойынша сиыр етінің өндірісі 133,6 мың тоннаны құрады, бұл 2024 жылдың сәйкес кезеңінен 0,4%-ға жоғары. Құс етінің өндірісі 6,1%-ға өсіп, 157,7 мың тоннаға жетті.
Сүт өнеркәсібінде де өсім байқалады: сүт өндірісі 3,9%-ға, 273,5 мың тоннаға, айран – 5,4%-ға (37,1 мың тонна), сары май – 12,7%-ға (15 мың тонна) өсті. 1,79 миллиард данадан астам тауық жұмыртқасы өндірілді, бұл өткен жылғы көрсеткіштен 0,3 пайызға жоғары.
Астық және майлы дақылдар сегментінде айтарлықтай өсу қарқыны байқалады. Бидай ұны өндірісі 6,5%-ға өсіп, 1 438,3 мың тоннаны, қарақұмық 19,4%-ға (10,7 мың тонна), макарон өнімдері 7,8%-ға (63,7 мың тонна) құрады. Күнбағыс майын өндіру 21,7 пайызға өсіп, 334,5 мың тоннаға жетті, күріш өндіру 21 пайызға өсіп, 84,5 мың тоннаны құрады.
Қант өндірісі өткен жылғы 6,1 мың тоннамен салыстырғанда 10 есеге — 64 мың тоннаға өсті. Тұз өндіру есепті кезеңде 6,1%-ға немесе 169,3 мың тоннаға өсті. Бұл нәтижелер азық-түлік қауіпсіздігін нығайтуға, экспорттық әлеуетті кеңейтуге және отандық ауыл шаруашылығы өндірісін дамытуға ықпал етеді.