Бхуми Чаухан AI171 рейсімен Ахмедабадтан Лондонға ұшуы керек еді, бірақ кептеліске байланысты ол әуежайға он минутқа кешігіп, ұшақтан қалып қойған.
"Тек осы он минуттың кесірінен мен рейстен қалып қойдым. Мұны түсіндіретін сөз таба алмаймын... Адамдардың қаза болғанын естігенде қатты күйзелдім. Мен шын мәнінде селт еткізіп отырмын", - деді Чаухан телеарнаға берген сұхбатында.
Ол сондай-ақ үнділік құдай Ганпати Баппаға оны құтқарғаны үшін алғысын білдірді.
Айта кетелік, бейсенбі күні Үндістанның Гуджарат штатында Ахмедабад қаласының әуежайына жақын жерде жолаушылар ұшағы апатқа ұшырады. Air India әуе компаниясының хабарлауынша, ұшақта 242 адам, оның ішінде екі ұшқыш пен он стюардесса болған. Үндістанның ANI ақпарат агенттігі апаттан бір адам аман қалғанын хабарлады. New Indian Express газеті Boeing 787 Dreamliner ұшағының тұрғын үйлерге құлауы салдарынан 310-нан астам адамның қаза тапқанын хабарлады.