Биылғы сессияның басты тақырыбы – «Бірлік пен келісім жолындағы 30 жыл».
Форум жұмысына 1600-ден астам адам қатысуда. Олардың қатарында Парламент депутаттары, еліміздің барлық өңірлерінен келген Ассамблея мүшелері, этномәдени бірлестік басшылары, мемлекеттік органдар мен діни, қоғамдық ұйымдардың өкілдері, сондай-ақ танымал ғалымдар мен мәдениет қайраткерлері бар.
Еске сала кетейік, Қазақстан халқы Ассамблеясы 1995 жылдың 1 наурызында құрылған. Биыл бұл құрылымға 30 жыл толып отыр. Тұрақтылық пен бейбітшіліктің символына айналған ұйымның мерейтойы аясында артық шығынсыз 150-ден астам ірі іс-шара өткізу жоспарланған.
Қазіргі таңда Қазақстанда ортақ шаңырақ астында 124 этнос тату-тәтті өмір сүріп жатыр. Ұлттық статистика бюросының дерегінше, 2025 жылғы 1 сәуірдегі жағдай бойынша еліміздегі халық саны 20 316 155 адамға жеткен. Этникалық құрам бойынша ең көп таралған тоғыз ұлт мыналар:
- қазақтар – 14 220 289 адам
- орыстар – 2 983 344
- өзбектер – 660 585
- украиндар – 375 925
- ұйғырлар – 301 593
- немістер – 224 353
- татарлар – 219 212
- әзербайжандар – 152 852
- кәрістер – 120 270