2023 жылдың аяғында жылжымайтын мүлікті сақтандырудың 256 мың шарты қолданыста болды, бұл 8,1 млн. бірліктен астам жылжымайтын тұрғынжай объектілерінің 3,16%-ын құрады. 2024 жылдың қорытындысы бойынша сақтандыру өтемінің көлемі 8,3 млн объектіден 2,63%-ға дейін төмендеді.
Сақтандыру шарттары санының азаюына қарамастан, сақтандыру компанияларының жеке тұлға- клиенттер алдындағы міндеттемелерінің жалпы көлемі 2023 жылғы 2,97 трлн теңгеден 2024 жылы 3,12 трлн теңгеге дейін өсті. Сақтандыру шарттары санының азаюына қарамастан, осы мәннің өсуі, оның ішінде сақтандырылған объектілердің нарықтық құнының ұлғаюының дәлелі болуы мүмкін. Жылжымайтын мүлікті сақтандырудың бір шарты бойынша жауапкершіліктің орташа көлемі 2023 жылы 11,6 млн теңгеден 2024 жылы 14,3 млн теңгеге дейін өсті.
«Жылжымайтын мүлікті сақтандыру көлемінің азаюы ең алдымен өткен жылы ипотекалық кредиттеудің өсу қарқынының төмендеуімен байланысты. Қазақстанда жылжымайтын мүлікті ерікті сақтандыру нарығы жеткілікті дамымаған және көбінесе банктік кредиттеуге байланысты. Дегенмен, өз тұрғын үйі үшін сақтандыру өтемақысын алуға өз бетінше жүгінетін клиенттер саны өсіп келе жатқанын атап өту қажет», – деп «Евразия» СК басқарма төрағасының орынбасары Нұржан Джантуреев жағдайға түсініктеме беріп өтті.
«Евразия» СК талдаушыларының мәліметінше, ипотекалық кредиттеуді есептемегенде жылжымайтын мүліктің 0,2% -дан азы ерікті сақтандырумен қамтылған. Бұл ретте «Евразия» СК жылжымайтын мүлікті сақтандыру полисіне өз бетінше жүгінген клиенттердің жыл сайын өсіп отырғанын атап өтеді. 2024 жылы мұндай клиенттердің саны 2023 жылмен салыстырғанда 52,4%-ға өсті, нәтижесінде шарттар саны 5,1 мыңнан асты.
2025 жылдың алғашқы үш айында «Евразия» СК-де жылжымайтын мүлікті ерікті сақтандыру бойынша жаңа шарттардың саны өткен жылдың сәйкес кезеңімен салыстырғанда 17,1%-ға өсті.
«Өткен жылғы елеулі апатты тәуекелдерге – жер сілкінісі мен су тасқынына қарамастан, халық өз тұрғын үйлерін сақтандыру үшін өз бетінше жүгінуге асықпайды. Өсім негізінен төмен базаның есебінен жүзеге асып отыр. Осыған байланысты жылжымайтын тұрғынжайды міндетті сақтандыру тетіктерін әзірлеуге бағытталған Қаржы нарығын реттеу және дамыту агенттігі жүргізетін жұмыстың айрықша маңыздылығын атап өткен жөн», – деп қорытындылады Нұржан Джантуреев.
Ұлттық статистика бюросының өзекті деректері бойынша, 2025 жылдың басында Қазақстанның тіркелген тұрғын үй қоры 2,26 млн жеке тұрғын үй мен 6,06 млн астам пәтерді құрайды.